Den EHTK mécht mat beim Télévie zu Hesper
An Zesummenaarbecht mam CI Hesper – First Responder huet den EHTK am Kader vum Centre de promesse Télévie zu Hesper eng MiniAnne-Formatioun fir all Leit ugebueden, déi Samschdes, de 25. Abrëll 2015 zu Hesper passéiert sinn.
De ganzen Dag, vun 9:00 bis 21:00 Auer, ware mer mat 5 Secouristen op der Plaz. Vill Erwuessener, Kanner a Jonker si laanscht komm an hu mat eis Häerzmassage a Beootme geléiert an den Ëmgang mat engem Defibrillator. Doriwwer eraus hu mer och de Leit gewisen, mat wat fir Grëffer, een e Bewosstlosen an d’Stabil Säitelag leet.
Déi Hesper Jugendpompjeeën hunn och déi Gester trainéiert, déi Liewe rette kënnen. An e ganz besonnesche Grupp war den HARLEY CLUB LETZEBUERG, déi all zesummen als Club d’MiniAnne reaniméiert hunn.
An um 19:00 war d’MiniAnne selbstverständlech och live bei der Scheckiwwerreechung mat derbäi.
E 7-järegt Meedchen huet geléiert, wéi een eng bewosstlos Persoun an Stabil Säitelag leet.
An dësem Video weist dëst Meedchen, datt een och scho mat 7 Joer dëse Geste beherrsche kann.
Him e ganz grousse Bravo!
 |  |  |  |
 |  |  |  |
 |  |  |  |
